حنا اتربينا كده و لو عايزين خير و بركة زمان ترجع

- اسمها "حضرتك" مش "انت"
- اسمها "نعم" مش "ايه"
- وطي صوتك
- ماتحطش رجل على رجل قدام حد كبير
- ماتبقاش قاعد و سايب حد كبير واقف 
- اقف بعيد عن الباب 


- متتصلش بحد متأخر
- اقعد على الكرسي اللي مش كاشف البيت
- ماتزعلش حد في بيتك
- خبط على الباب قبل ما تفتحه
-كل من ناحيتك و ابعد الطبق عنك شويه
- قوم اول واحد من على الاكل
- استنى كلهم يقوموا لو انت اللي عازم
- متزورش حد فجأة
- تدخل بيت حد تبقى اعمى و تطلع اخرس
-في بيت غريب ماتقومش من مكانك غير لما حد يقولك
- اقفلي رجلك و انت قاعده
-افرد ضهرك و انت قاعد
- انزل مع اختك خدي بالك من اخوكي
- سيب الزفت التلفزيون ده يا تنام يا تذاكر
- تعال رايحين نعيد على قرايبنا 
- روح ودي دي لجارتنا و قولها ماما بتسلم عليكي
- شيل من عمو الاكياس دي
- قوم خلي طنط تقعد
- ماتطلعش ورا بنت السلم يا تطلع قدامها يا تستنى شويه و تطلع
- لو حد طالع وراكي اقفي في كورنر السلم عديه و بعدين اطلعي 
- انت مش احسن من حد ولا حد احسن منك
- ماتقارنش نفسك بحد
-قول شكرا قول اسف اللي يعتذر الاول هو الاقوى
- ما تشدش حاجه من ايد حد
-ماتسبقش حد كبير  و انت ماشي
-افتح الباب للكبير و للبنت
- باب مقفول تخبط حتى لو عارف ان مافيش حد
- قول الحق ولو على رقبتك
- لبس النادي ده مينفعش يتخرج بيه
- لبس البيت غير لبس النوم
- عيب دا اكبر منك
- دا حرام ويغضب ربنا
- بطل دوشة الناس نايمة
- متخليهمش يدفعوا .. ادفع انت
- مترميش حاجه في الشارع
- نضف مكان مبهدلت
- متجيش ناحيتها دي أمانة

احنا اتربينا كده و لو عايزين خير و بركة زمان ترجع لازم نربي أولادنا كده
كمل جميلك لما تخلف.. وربي إنسان نضيف😍🌹رسالة للحياة👆🌷


وفقا للمصدر

إرسال تعليق

0 تعليقات