للأهالي ‏ (( شروط ركن أو غرفة الدراسة:)) ‏

 ◦ تكون بعيدة عن الإزعاج ومرور أفراد العائلة، يفضّل تكون الخلفية صمّاء .. يعني ظهر الطفل على الجدار

 ◦ بعيدة عن التلفزيون والألعاب

 ◦ يُجهَّز فيها ركن الدراسة سواءً لطفل واحد أو عدّة أطفال

 ◦ كل طفل مسؤول عن ركن دراسته وأدواته يرتبها ويهتم فيها

 ◦ ضروري كل ركن يكون عنده وحدة أدراج لحفظ الكتب والقرطاسية قريبة من الطفل أثناء الحصص .. اذا ماتوفرت ممكن شنطة او ممكن إعادة تدوير لكرتون مثلا قسميه من داخل بفواصل تسهل تقسيم الكتب والأدوات وبيفرح الطفل كثير اذا زيّن الصندوق ولوّنه مثل ما يحب 😍

 ◦ تخصيص وقت محدد للمراجعة اليومية ومشاركة الأطفال ماتعلموه خلال اليوم وحل الواجبات .. وقته بعيد عن وقت الدراسة عشان الطفل يرتاح ويتنشّط .. ويكون هذا الوقت ثابت مثلا بعد المغرب.

◦ تشجيع الطفل الاعتماد على نفسه أثناء فترة التعلم عن بُعد .. نعلمه كيف يفتح الجهاز ويتفاعل مع معلمته ويشارك ويفتح الروابط المرسله .. الكلام هذا ينطبق على مرحلة رياض الأطفال الى الابتدائي .. ممكن نجلس معاهم في البدايه الين نتأكد انهم قادرين يعتمدون على أنفسهم بعد كذا نمر ونشرف على خفيف .. المتوسط والثانوي كبار كفايه وقادرين يعتمدون على أنفسهم ممكن نجي عندهم هم يعلمونا عشان كمان نزيد ثقتهم بنفسهم 😊

 ◦ اهتموا بالتفاصيل الصغيرة المهمة زي العبارات التشجيعية تكون معلقه حول الركن .. نبته .. اسمحوا للطفل هو يختار وينسّق ويزين الركن وأيضًا يختار أدواته المدرسية

 ◦ أعتبر سماعة الرأس مع المايك ضرورية وقت التعلم لأنها تحسّن جودة الصوت وتقلل من الضجيج والضوضاء ويكون صوت الطفل واضح للمعلمة أثناء المشاركات .. وكمان مابيضايق أخوانه ويزعجهم اذا كانوا يتشاركون غرفة الدراسة

 ◦ اذا كان الكمبيوتر مشترك .. فضروري تخصصين حساب لكل طفل عشان يحس بالاستقلالية وتكون دروسه وواجباته مرتبه في مجلدات مثل مايحب